Back Ԥхынгәымза Abkhazian Julie Afrikaans Јаан изӱ ай ALT ጁላይ Amharic Chulio AN Mǣdmōnað ANG जुलाई ANP يوليو Arabic ܬܡܘܙ ARC يوليوز ARY
|
Dä Artikel bhandlet de Monet. Wyteri Bedütige vo „Juli“ findsch doo. |
|
Dr Juli (latiin. Iūlius) isch dr sibti Monet vom Jahr im Gregorianische Kalender.
Er hät 31 Tääg und isch nach em römische Schtaatsmaa Julius Caesar benännt, uf ihn gaat d Kalenderreform vom Jahr 46 v. Chr. zrugg (lueg bi Römische Kalender, Julianische Kalender).
Dr alti düütschi Name isch Heuet oder Heuert oder au Heumonat gnännt, wil im Juli di erschti Heu-Mahd iibracht wird. Anderi alti Näme für de Juli sind Bären- oder Honigmonat.
Im römische Kalender, wo s Jahr mit em März aagfange hät, isch dr Juli uurschprünglich dr föifti Monet gsii und häe vor siinere Umbenännig im Jahr 44 v. Chr. (vom Konsul Marcus Antonius iibrachti Lex Antonia de mense Quintili "über de Monet Quintilis") de Name Quintilis zu lat. quintus "der fünfte". Im Jahr 153 v. Chr. isch dr Jahresbeginn allerdings um zwei Mönet vorverleit worde, so dass d Beziehig zwüsched Name und Zählig weggfalle isch.
Wänns uf e düütlich hörbari akustischi Underscheidbarkeit zum Monetsname Juni aachunnt, wird dr Juli umgangssprachlich mängisch au als "Julai" uusgschproche und umgkehrt dr Juni dänn als Juno.
Dr Juli fangt mit em gliiche Wuchetag wie dr April aa und in Schaltjahre auch wie dr Januar (Jänner).